ភ្នំពេញ ៖ រដ្ឋបាលខេត្តកំពង់ចាម ប្រកាសអំពីករណីរកឃើញកូវីដ១៩ ចំនួន០៣នាក់ ក្នុងនោះ២នាក់ នៅស្រុកចំការលើ និង០១នាក់ នៅស្រុកព្រៃឈរ នេះបើយោងតាមសេចក្តីប្រកាសថ្ងៃទី០៤ ខែឧសភា ឆ្នាំ២០២១នេះ។

ទី១៖ ឈ្មោះ ស៊ូ សុខលី ភេទស្រី អាយុ៤៧ឆ្នាំ រស់នៅភូមិស្វាយទាប ឃុំស្វាយទាប ស្រុកចំការលើ

ទី២៖ ឈ្មោះ អ៊ុន វ៉ា ភេទប្រុស អាយុ៤០ឆ្នាំ រស់នៅភូមិតាអុង ឃុំតាអុង ស្រុកចំការលើ 

ទី៣៖ ឈ្មោះ ស៊ុន សុខហេង ភេទប្រុសអាយុ២៧ឆ្នាំ រស់នៅភូមិសេកយំ ឃុំព្រៃឈរ ស្រុកព្រៃឈរ។

រដ្ឋបាលខេត្តកំពង់ចាម កំពុងបន្តស្វែងរកទីតាំង និងអ្នកប៉ះពាល់ជាមួយអ្នកជំងឺកូវីដ-១៩ នឹងអ្នកជំងឺខាងលើបន្ថែមទៀត និងសូមអំពាវនាវដល់អ្នកពាក់ព័ន្ធនឹងករណីនេះ សូមទៅពិនិត្យសុខភាព និង យកសំណាក់ នៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់ ឬ តាមរយៈលេខទូរស័ព្ទ ០៧០ ៨២៨ ៧៨៨ និង ០១២ ៧៣៦ ៧៥៥។

រដ្ឋបាលខេត្តកំពង់ចាម ណែនាំប្រជាពលរដ្ឋដែលរស់នៅភូមិ-ឃុំ ខាងលើ និងបង ប្អូន មិត្តភ័ក្រ្តដែលធ្លាប់ប្រាស្រ័យទំនាក់ទំនងនឹងអ្នកជំងឺទាំងបីខាងលើ ត្រូវអនុវត្តឱ្យបានខ្ជាប់ខ្លួននូវវិធានការ « ៣កុំ ៣ការពារ»។ ដោយឡែកបងប្អូនដែលមានហានិភ័យខ្ពស់ពាក់ព័ន្ធនឹងអ្នកជំងឺខាងលើ ត្រូវតែអនុវត្តយ៉ាង ម៉ឹងម៉ាត់តាមការណែនាំរបស់មន្ត្រីសុខាភិបាល ប្រកបដោយស្មារតីទទួលខុសត្រូវខ្ពស់ ដើម្បីការពារក្រុម គ្រួសារ និងសហគមន៍ជៀសផុតពីជំងឺមហាប្រល័យនេះ៕